日前淒風苦雨中，數十名廣州番禺祈福新業主九龍公園內告地狀，指控羊城市政府謀求將私家路改高速路，肢解祈福新！港人在境外謀生置業受欺凌，發出哀號，又豈只此一樁！據工聯會內地諮詢服務中心稱，去年接獲港人求助個案高達2,500宗，今年首季亦有900多宗。
如果唔係有《東方日報》圖文並茂，大版殺出，港人內地受屈事件就有冤無路訴，指望特區政府打救，真係蛇都死矣！事關呢班高薪厚祿之輩，今年九月先至話開經濟高峰會，探求香港十一五規劃中位置，即係話，咁多年香港周邊地區經濟飛速發展，高官眼中係透明。特區政府放棄工業，數以十萬計港人北遷求存，佢遭遇到種種難題，從未上過港府議事日程！高官九月開高峰會，相信唔會係關切境外港人困境，只係驚覺香港已成經濟沉舟，赫然見到身邊千帆過盡，驚起上，要開會補鑊而已！
明送金富士脆餅值14.9元 《東方日報》早有遠見，上海與北京皆設辦事處，廣東省內唔使講，東方記者隨時現身，新聞翌日見報，所以港人有事，首先想起致電《東方日報》。內地有幾十萬港人搵食，上百萬僑胞、台胞及各色海歸人士，都係我真誠服務對象。《東方日報》辦報觸覺最靈，早已打破疆界，躍升大中華圈最有影響力華文媒體。香港儘管有眾多媒體，但只係侷處一隅，隔靴搔癢而已。
今天真心日，東仔同各位談談心，多謝你選擇《東方日報》！三十幾年香港人經驗證明，購買《東方日報》係最明智選擇。60年代，《東方日報》伴隨港人打拚；21世紀，港人事業遍布世界，港人內地勇闖新天，陪伴港人身邊，為港人鳴不平，只有《東方日報》！《東方日報》上海灘頭有得擺，北京王府井有得賣，港人內地謀生置業記得訂一份，足以解鄉愁，慰寂寥，仲可以畀你訴心聲，吐冤情！
今天雖不送禮，明天贈厚禮，係價值14.9蚊250克金富士芝士味脆餅。報紙只售6蚊，送禮值成15蚊，《東方日報》豈止係諍友，同時又係市民密友，所以30年來雄踞報壇冠軍，未逢敵手！